Jăt jơnau kờp bơh Sờh Bơto bơtê mờ Bơsram càr Dăk Lăk yal, tơnơ̆ mờ dà tih dà lìu geh 183 tàm 243 hìu bơsram tàm ală sàh đah măt tơngai Lik càr Dăk Lăk dan geh dong kờl kờp jơh 535 rơbô 830 pang sră. Uă mpồl lơh broă neh tus bal, jào pà jơh khà sră do ai gah bơto bơtê mờ bơsram càr Dăk Lăk in, mờ kờp jơh priă dong kờl di pơgăp 8 tơmàn 200 tơlăk đong.

Tơnơ̆ mờ tŭ dờp bơh ală mpồl dong kờl, bơh ngai 27 nhai 11 sră neh geh pơn diang tus ală hìu bơsram mờ kờp dŭ geh jào jơh lài mờ ngai 04 nhai 12. Tàm dơ̆ dà tih dà lìu dờng ngan bơh lài tus tŭ do bơh ngai 16 tus 22 nhai 11, dà neh lơh gơbam uă sàh đah măt tơngai lik càr Dăk Lăk, pơrdô uă phan bơna làng bol mờ sră măi sră cih, phan bơsram kơnòm bơsram dê. Broă Sờh Bơto bơtê mờ Bơsram càr Dăk Lăk gam jal mhar jun sră măi tus ală sàh gơtìp aniai, rơ̆p dong kờl nam bơsram gờñ geh lơh wơl, mờ dong kờl tơrmù kal ke priă tă ai ală hìu nhă tơnơ̆ mờ tŭ jơh ală phan bơna neh gơtìp roh tài dà pơrdô.