VOV4.K'Ho- Di tơnkah 78 nam Ngai cau ling sồt să – Cau ling chơ̆t màng (27/07), mho òr (15/07), Tổng Ƀí thư ồng Tô Lâm neh tus còp, pà phan ală cau ling sồt să, cau ling kòp tê jê să mờ cau geh màng mờ Dà lơgar tàm Hìu Ròng siam sền gàr cau ling sồt să Thuận Thành, càr Bắc Ninh.

VOV4.K'Ho- Tàm tŭ tơngai bơtàu tơnguh lơh sa – mpồl bơtiàn tàm tiah làng bol jơi bơtiàn dồ êt nă cau mờ tiah kơh bơnơm, broă lam lơh ring bal ùr klau ờ mìng là nàng sền gàr gơnoar kuơ ai cau ùr mờ kơnòm dềt in, mờ gam là dùl bơta kuơmàng dong ală tiah bơtàu tơnguh kơ̆ kơljap, ờ cau lơi gơtìp lời wơl hờ ngkời. Rơndap broă lơh sồ 8 mờ mat hòi “Lam lơh ring bal ùr klau mờ bơsong ală bơta jal mhar ai cau ùr mờ kơnòm dềt in” là dùl tàm ală tơngume kuơmàng bơh Broă lơh Jơnau kờñ dà lơgar bơtàu tơnguh lơh sa – mpồl bơtiàn tiah làng bol jơi bơtiàn dồ êt nă cau mờ tiah kơh bơnơm dê.

VOV4.K’Ho- Tàm bơta Broă lơh Jơnau kờñ Dà lơgar dê bơtàu tơngguh lơh sa- mpồl bơtiàn tiah làng bol jơi bơtiàn dồ êt nă cau mờ tiah bơnơm gam rơcăng mŭt tàm dùl tŭ tơngai pa, den broă gàr sùm mờ mŭt lơh pràn kơldang rlau tai broă lơh pơgồp bal ùr klau tàm jơh ală tơngume bơh broă lơh dê ờ gam là jơnau sồr mờ bơr tai gời lơm mờ neh gơgơs là dùl jơnau sồr kờñ jal mhar ngan. Bơta do ờ mìng nàng sền gàr gơnoar kwơ ring bal ai cau ùr mờ kơnòm ùr tiah làng bol jơi bơtiàn dồ êt nă cau in lơm mờ gam là jơnau kwơmàng lơh gơlik geh bơta bơtàu tơngguh jŏ jòng ai jơh gùt mpồl bơtiàn in.

VOV4.K'Ho- Poh lài, tàm hìu lơh broă Quôk hội,geh lơh dar pơrjum dơ̆ 47 bơh Anih duh broă Lơh kơnòl broă sùm Quôk hội dê. Đơng lam dar pơrjum, Củ tịc Quôk hội ồng Trần Thanh Mẫn sồr tơrgùm bơt bơtàu tơngume adat boh lam, tam gơl pa pràn jơh bal bè tơngume, broă lơh mờ bơta niam nàng đơs nền gơnoar broă tề lam, bơt bơtàu bơh Quôk hội mờ Cíñ phủ dê, lơh gơlik bơnàng jă ai tŭ tơngai bơtàu tơnguh pa in.

VOV4.K'Ho - Tiah làng bol jơi bơtiàn dồ êt nă cau mờ tiah kơh bơnơm lơgar he dê sùm là tiah kong mờ uă bơta lòng krơi is bè bơta ờ rờm ùr klau, bau gờñ, bau mờ cau rềp jơi nòi, tam lơh tam pờng tàm hìu bơnhă, ờ huan geh dờp ală bơnah priă bơcri bơtàu tơnguh. Tàm bơta bè hơ̆, Rơndap broă sồ 8 – “Lam lơh ring bal ùr klau mờ bơsong ală bơta kal mhar gơ wèt mờ cau ùr mờ kơnòm dềt” gơ wèt Broă lơh jơnau kờñ dà lơgar bơtàu tơnguh lơh sa – mpồl bơtiàn tiah làng bol jơi bơtiàn dồ êt nă cau mờ tiah kơh bơnơm tơngai bơh nam 2021 tus nam 2030 neh ai gŏ gơnoar broă là dùl bơta chồl tơnguh pràn ngan. Mờ ală cồng nha neh geh lơh cơng, broă tơnguh bơta niam mờ lam lơh uă broă lơh gơ gơs là kơnòl broă jal mhar, nàng kờñ lơh gơlik bơta tam gơl tơl làm mờ kơ̆ kơljap jŏ jòng sùm.

VOV4.K’Ho- Broă lơh Jơnau kờñ Dà lơgar bơtàu tơnguh lơh sa- mpồl bơtiàn tiah làng bol jơi bơtiàn dồ ết nă cau mờ tiah kơh bơnơm tơngai bơh nam 2021-2030, is ồn là Rơndăp broă lơh 8 “Lơh jat ring bal ùr klau mờ bơsong ală broă jal mhar ai cau ùr mờ kơnòm dềt in”, neh lơh geh ală tam gơl niam ngan tàm bơta gĭt wă mờ rài kis cau ùr dê. Mơya, bơh broă lam lơh, kung gam uă broă gam wơl, bơta lòng pal geh sền dờp mờ bơsong nàng broă tàm bơrlŭ bal ùr klau ngan ngồn geh cồng nha mờ kơ̆ kơl jăp jŏ jòng.

VOV4.K'Ho- Ngai òr (10/07), Thủ tướng ồng Phạm Minh Chính đơng lam Pơrjum sền wơl 3 nam lơh jăt Jơnau lơh nền tàm pơrjum sồ 18, 1 nam lơh jăt Adăt ù tiah nam 2024. Thủ tướng sồr ală broă gơrềng ù tiah pal kơlôi sơnơng lơh gơguh bơta kwơ ù tiah dê, geh tơrgùm bal tơl ală bơta gơrềng tus uă gah broă.

VOV4.K'Ho- Tơnơ̆ tŭ tơmut bal càr Gia Lai mờ càr Bình Định, Mpồl duh broă làng bol càr Gia Lai khoă XII, tơngai lơh broă bơh nam 2021 tus nam 2026 neh bơyai lơh pơrjum sơn rờp. Do là broă lơh tềl bơta sơn đờm bơh mpồl lơh broă sră pơ àr gơnoar atbồ pa dê mờ jơnau kờñ bơt bơtàu càr Gia Lai bơtàu tơnguh pràn kơldang tàm tŭ tơngai pa.

VOV4.K'Ho- Sơrlèt mờ jơnau geh ai, lơh gơs gờñ rơlao mờ broă rơndăp lơh geh ai 2 nhai, broă lơh tơn jơh hìu sèt, hìu ồm ñhăt dà mìu tàm ală càr Gia Lai, Lâm Đồng ờ mìng cèng wơl geh ală hìu ơm niam, mờ gam pơlam nùs nhơm git nđờ rơbô hìu rơƀah tàm gùng dà lơh ngan sơrlèt mờ kal ke. Làng bol geh nùs nhơm pin dờn mờ geh anih kơl dìng ram nàng bơtàu tơnguh lơh sa, tơnguh rài kis.

VOV4.K'Ho- Khà dong kờl 25 tơlak đong gơ wèt mờ tơl nă kwang bàng tus lơh broă tàm Anih tờm lơh sră pơ àr gơnoar ătbồ - cíñ trị lơh tàm càr Quảng Ngãi mờ priă dong kờl, bơta jăt ngui neh geh Mpồl duh broă Làng bol càr Kon Tum khoă XII- dơ̆ pơrjum mìng dùl tơngume ring bal.