VOV4.K’Ho- Kơnờm lơh broă lơh di mờ bơta mờ mùl màl, hòi jà jơh ală anih lơh broă cíñ trị tus bal lơh, den tàng broă lơh jăt broă tơmù rơƀah mhar, kơl jăp tàm ală càr tiah Tây Bắc neh lơh geh uă cồng nha niam, khà hìu rơƀah gơmù uă, dong kờl ală càr tàm tiah do rơhời lơh jăt jơnau kờñ bơtàu tơnguh mhar mờ kơl jăp.

VOV4.K’Ho- Pơn jat tai dơ̆ lòt lơh broă tàm càr Kon Tum, mho ngai 05/05, Atbồ ing Củ tịc lơgar mò Võ Thị Ánh Xuân bal mờ mpồl lơh broă Dà lơgar neh tus còp, pà phan hìu bơnhă geh dà kơl hề mờ Dà lơgar, hìu bơnhă rƀah mờ kơnòm dềt geh rài kis kal ke tàm kơnhoàl Kon Rẫy.

VOV4.K'Ho- Pa do, Mpồl kwang bàng Quôk hội ală càr tàm tiah Tây Nguyên neh bơyai lơh tìp mat cau tĕ khà lài mờ pơrjum dơ̆ 7, Quôk hội khoă XV. Tàm ală dơ̆ tìp mat, cau tĕ khà ală càr tàm tiah do neh geh jơnau đơs, jơnau dan bè 2, 3 broă kuơmàng.

VOV4.K’Ho- Ngai 3/05, tàm Hìu lơh broă Quôk hội, Ủy ƀan Niam chài mờ Bơto bơtê bơyai lơh pơrjum bal dơ̆ 7, cribơyai, tă pơgồp jơnau đơs tàm Broă lơh jơnau kờñ Dà lơgar bè bơtàu tơnguh niam chài tơngai bơh nam 2025 - 2035.

VOV4.K’Ho- Drim òr (03/5), Tỉñ ủy càr Kon Tum bơyai lơh Pơrjum tơn jơh ing 3 nam lơh jăt Dơ̆ lam lơh “lơh tam gơl bồ tơngoh kơlôi sơnơng, broă lơh tàm làng bol jơi bơtiàn ờ gal cau, lơh nàng làng bol jơi bơtiàn ờ gal cau in sơrlèt mờ lik klàs rơƀah kơl jăp”.

VOV4.K'Ho - Chờ gờm ngai 01/5, tàm ală càr Tây Nguyên mờ gùt lơgar ndrờm lam lơh uă bơnah broă geh kuơ nàng sền gròi ngan ngồn ai đoàn viên, cau lơh broă geh rài kis kal ke in.

VOV4.K'Ho - Ngai 17/4 pa do, tàm pơrjum dơ̆ 32, Ủy ƀan Thường vụ Quôk hội neh ring bal yal Quôk hội in sền sơ wì, lơh nền bơcri priă Rơndap broă lơh bơcri priă lơh gùng rơndeh ntoat mhar Tiah đah tô – Tiah đah jum dà lơgar hờ tiah đah mat tơngai mut gơl Gia Nghĩa (Dăk Nông) – Chơn Thành (Bình Phước) tàm pơrjum dơ̆ 7 tus do. Do là rơndap broă lơh gùng lòt kuơmàng, rơp bơsong bơta kòl yan bè phan bơna gùng lòt, lơh gơlik ù tiah bơtàu tơnguh pa, bơta gơn kơnờm chồl pràn bơtàu tơnguh lơh sa mpồl bơtiàn, sền gàr dà lơgar, sền gàr lơngăp lơngai tiah đah jum mat tơngai lik dà lơgar mờ càr kung gam rơcang nàng lam lơh rơndap broă tŭ geh ring bal.

VOV4.K'Ho - Drim ngai 26/4, tàm Hìu niam chài lơh broă lơh bơyô bal Việt – Xô geh lơh dơ̆ lam lơh Nhai lơh broă lơngăp lơngai kloh niam lơh broă mờ Nhai cau lơh phan nam 2024.

VOV4.K’Ho- Thiếu tá bi Hoàng Tiến Dũng (42 sơnam), cau lơh broă quân lực Mpồl đơng lam ling klàng thị xã Buôn Hồ, càr Dăk Lăk sùm lùp bơsram, kơlôi sơnơng, bơceh lơh nàng lơh sir kơnòl broă geh jàu. Mờ bơta kờñ ngan mờ kông nghệ thông tin, bi neh cih phần mềm “Atbồ gah phan tam lơh, gar phàu”, “Atbồ cih mat dan lơh kơnòl broă ling klàng mờ làng bol rcang lài lòt ling”. Ală phần mềm mờ ứng dụng do bơh bi mờ cau ling bal bơceh lơh neh mờ gam geh mut ngui uă tàm bơta geh ngan, pơgồp bơnah tơnguh uă cồng nha lơh kơnòl broă sền gàr Dà lơgar.

VOV4.K’Ho- Drim òr (23/4), tă pơgồp jơnau đơs bơh sơnrờp bè jơnau rcang cih jơnau yal cồng nha jat sền mìng dùl tơngume “Broă lơh jat gùng dà broă lơh, adat boh lam bè gàr niam rơndăp tăp sèng, lơngăp lơngai gùng lòt bơh nam 2009 tus jơh nam 2023”, Ủy ƀan Thường vụ Quôk hội sồr: Tơrgùm priă jền nàng bơcri lơh, bơtàu tơnguh rơndăp tăp sèng phan bơna gùng lòt; lài ngan ai priă jền nàng lơh niam gùng rơndeh dờng mờ bơsong ală tiah ờ niam bè rềs àr gùng lòt.