Tam gơl broă lơh dong kờl cau lơh broă làng bol jơi bơtiàn dồ ết nă cau
Thứ năm, 10:15, 19/06/2025 Cau mblàng K’Hạnh/VOV Tây Nguyên Cau mblàng K’Hạnh/VOV Tây Nguyên
VOV4.K’Ho- Ngai 18/06, tàm Dăk Lăk, Kụk Lơh sa lơh broă bal mờ Bơtàu tơnguh ƀòn lơgar- Ƀộ Broă lơh sa suơn sre mờ Tiah ơm kis bơyai lơh Cribơyai lùp lăp tam gơl Jơnau lơh nền sồ 42 nam 2012 mờ Jơnau lơh nền sồ 64 nam 2015 bơh Thủ tướng Cíñ phủ dê nàng kờñ lơh sir broă lơh dong kờl ală mpồl lơh sa kă bro, mpồl ngui cau lơh broă là làng bol jơi bơtiàn dồ ết nă cau tàm tiah bơnơm, tiah kal ke uă ngan.

Tơnơ̆ rlau 50 nam lam lơh, neh geh mờr 570 rơbô dơ̆ cau lơh broă jơi bơtiàn dồ ết nă cau geh dong kờl mờ kờp jơh khà priă rlau 1 rơbô 270 tơmàn đong. Ală broă lơh do neh pơgồp bơnah lơh geh broă lơh sùm, tơnguh uă cồng nha cau  lơh broă mờ sơlơ tơnguh tai bơtàu tơnguh lơh sa- mpồl bơtiàn. Mơya, ngan ngồn lam lơh kung tơngŏ uă bơta ờ niam: tiah mut lơh ờ uă; dong kờl lơyah, tơngai lơyah; sră nggal gơnoar atbồ uă kal ke lơh mpồl lơh sa kă bro kal ke ngan gĭt tus...

Tàm cribơyai, ală cau ala mat neh song dơ pă tă pơgồp jơnau đơs nàng kờñ lơh sir broă lơh jat gùng dà geh ngan mờ di pal rlau tai. Cribơyai là broă lơh kwơ màng pơgồp bơnah lơh sir jơnau rcang cih tam gơl ală Jơnau lơh nền nàng yal Thủ tướng Cíñ phủ in sền sơ wì, lơh broă lơh dong kờl dồ ròt bal, lơh geh bơta gơn kơnờm jŏ jòng ai lơh sa làng bol dê lơh is tàm broă ngui mờ bơtàu tơnguh mpồl lơh broă tiah làng bol jơi bơtiàn dồ ết nă cau mờ tiah kơh bơnơm tàm bơta pa.

Cau mblàng K’Hạnh/VOV Tây Nguyên

Viết bình luận

TIN CÙNG CHUYÊN MỤC