Broă lơh do geh mpồl broă lơh Ngai sră mờ niam chài sền sră mờ tơngu me “Ală pang sră bè Hồ Chí Minh – tơngu me tờm ai rơnàng ơruh pơnu lơgar Việt Nam in” mờ mang đơs crih “Hồ Chí Minh tàm plai nùs cau Tây Nguyên”, mờ 1 rơbô 500 nă kwang bàng, cau ling kảñ sát kơ động bal mờ gal cau đơs crih mờ làng bol tus bal.

Tàm do, ală cau rơ̆p geh sền sră, jòi sền nàng git bè rài kis bal mờ broă lơh bơh Củ tịc Hồ Chí Minh dê, lơh broă jơnau nhơl ờs mờng, niam chài kòn cau Lào, sền đơs crih tamya pơgồp bal mờ sền ràng tơlik soh phan kòn cau ờs mờng, tìp bal mờ ală cau chài bơceh jơnau đơs crih càr Dăk Lăk pơnrơ jăk cih geh uă jơnau đơs crih bè Wa Hồ. Do là broă lơh mùl màl wèt tus tơnkah 135 nam tờm Ngai deh Củ tịc Hồ Chí Minh mờ dơ̆ pơrjum cíñ trị geh kwơ gơwèt mờ ală cau ling kảñ sát kơ động lài mờ tŭ tơn jơh dơ̆ bơsram tàp tàm mpồl ling lồi nhai 5 do.