Do là broă lơh di tơngkah kir sơnrai 80 nam Kăc màng Nhai Phàm (19/8/1945 – 19/8/2025) mờ 135 nam Ngai deh Củ tịc Hồ Chí Minh (19/5/1890 – 19/5/2025). 33 nă đảng viên kơnòm să pơnrơ ngan bơh ală kơnhoàl, ƀòn drà dờng, ƀòn dờng mờ ală mpồl lơh broă gơ wèt bal tàm jơh gùt càr neh geh jờng rơ dơ̆ do. Do ndrờm là ală cau dồ nă să is pơnrơ ngan tàm uă broă, bè: bơsram- kơlôi sơnơng jak chài, bơtàu tơnguh lơh sa- sơnđờm mŭt lơh broă, broă lơh đoàn- mpồl ơruh pơnu, sền gàr dà lơgar- lơngăp lơngai, bơ̆t bơtàu ƀòn lơgar pa mờ sền gàr tiah ơm kis.

Broă lơh jờng rơ đảng viên kơnòm să pơnrơ ngan là dơ̆ nàng Tỉñ đoàn càr Dăk Lăk pơn jăt tai lơh kah wơl nùs nhơm tă pơgồp dà kơlhề, nùs nhơm kơ̆p kờñ brồ guh tàm đoàn viên, ơruh pơnu dê; pơgồp bơnah bơ̆t bơtàu mpồl Đoàn pràn kơnhăp, lơh jăt gơnoar broă rơnàng kơnòm să dê tàm broă lơh bơ̆t bơtàu mờ sền gàr Dà lơgar. Bơ̆t bơtàu Dăk Lăk ngai sơlơ bơtàu tơngguh, jak chài, pa ngan.