Àng drim ngai do (05/06), Thủ tướng Cíñ phủ ồng Phạm Minh Chính bal mờ Pơ-ùr mờ Mpồl kwang bàng ala măt kấp dờng lơgar Việt Nam neh bơh Càr lơgar Hà Nội lòt gùng tus Pơrjum Dà lềng dờng Liên hợp quốk dơ̆ 3 (UNOC 3), bơyai lơh ală broă lơh bal đah bàr lơgar tàm lơgar Tây; còp mùl màl lơgar Estonia mờ lơgar Thụy Điển bơh ngai 05 tus ngai 14 nhai 6 nam 2025 jăt jơnau jà bơh Kwang gơnoar cih Liên hợp quốk ồng Antonio Guterres mờ Kwang atbồ lơgar Tây ồng Emmanuel Macron, Thủ tướng lơgar Estonia ồng Kristen Michal mờ Thủ tướng lơgar Thụy Điển ồng Kristersson.

Dơ̆ lòt lơh broă bơh Thủ tướng ồng Phạm Minh Chính dê pơn jăt tai lam lơh jăt gùng dà lơh broă mờ lơgar ndai krơi is, rơcăng is, lơh uă bơta gĭt gơ̆p, lơh bơyô mờ uă lơgar, rơcang lài, jơh nùs mŭt gơrờm bal mờ ală lơgar tơl ală bơta, jrô ơnàng làm uă mờ geh cồng nha jăt nùs nhơm Pơrjum dờng dơ̆ XIII bơh Đảng dê, ală Jơnau lơh nền tàm pơrjum Ƀộ Cíñ trị dê.