Củ tịc Quôk hội ồng Trần Thanh Mẫn jờng rơ uă ngan nùs nhơm tam gơl pa, kơnòl mờ cồng nha lơh broă, jờng rơ Cơldŭ lơh broă Quôk hội neh rcang jơnau yal cồng nha ngan, tơngŏ tềl lời wơl loh làng. 6 nhai do là tŭ tơngai geh bơta kah yau mờ uă broă lơh dờng, tàm hơ̆ Quôk hội geh tă pơgồp kwơ màng.

Bơh tŭ do tus lồi nam là tơngai dŭt ndơl bơh tơngai lơh broă Quôk hội khoă 15 dê, mơya geh uă kơnòl broă cíñ trị dờng, is ồn là 2 dơ̆ Pơrjum Dà lơgar 12 mờ 13, tàm hơ̆, Pơrjum Dà lơgar 12 rơ̆p cribơyai gùng dà broă lơh tam gơl Adat Ù tiah, Adat Rơndăp ù tiah. Củ tịc Quôk hội sồr ală anih lơh  broă geh gơrềng pơn jat tai lơh jat niam nùs nhơm rcang lài, rcang niam ngan tơngume drơng ală  pơrjum mờ ală pơrjum Quôk hội lồi nam in.