Tơngai do, Quốk hội neh tơlik ală Jơnau lơh nền tàm pơrjum bè gùng dà bơcri priă lơh Rơndăp broă lơh gùng rơndeh ồs lòt mhar tàm gơl gùng đah tô đah jum; Jơnau lơh nền bè gùng dà bơcri priă lơh rơndăp broă lơh gùng rơndeh ồs Lào Cai – Hà Nội - Hải Phòng mờ Jơnau lơh nền bè tơrlòng lơh ờ uă gùng dà broă lơh krơi is, kwơ màng nàng bơtàu tơnguh mpồl gùng rơndeh ồs tàm tiah drà ƀòn dờng Hà Nội, ƀòn dờng Hồ Chí Minh.

Tơngai tus, Thủ tướng Cíñ phủ ồng Phạm Minh Chính đơs là kơnòl broă bơh Mpồl sồr lơh là kal ke ngan, kwơ màng, jal mhar, sồr ală kwang bàng tàm Mpồl sồr lơh pơn jăt tai tơnguh nùs nhơm, kơnòl broă uă. Thủ tướng sồr ală kấp ủy đảng, gơnoar atbồ ƀòn lơgar lơh jăt broă tơm ntrờn ù tiah, ntrờn phan bơna; tàm hơ̆ kwơ màng ngan là sền gròi tus broă lơh ƀòn ơm kis pa, dong kờl kơl jăp lơh sa nàng làng bol geh hìu ơm pa, broă lơh bal mờ rài kis lơh broă sa pa ndrờm ha là niam rơlao mờ ƀòn ơm kis lài do.