Tơnơ̆ 1 poh lam lơh broă lơh jat broă lơh gơnoar atbồ 2 kâp, mpồl lơh broă tàm càr Gia Lai neh lơh broă niam. Mpồl lơh broă tàm internet geh lam lơh geh cồng nha, mìng gơbàn bàr pe bơta kòl yan tàm broă tơrbŏ internet mờ dà lơgar. Pal đơs là broă lơh bơsong sră pơ àr gơnoar atbồ làng bol in lơh geh cồng nha niam. Bơdìh mờ ală cồng nha bơh sơn rờp, càr kung gam pal kong mờ kal ke, bơta lòng tŭ bă ù ơnàng rlau 21 rbô kơi sồ vuông – ơm dơ̆ 2 gùt lơgar, khà kờp làng bol ơm dơ̆ 10. Càr Gia Lai kờñ  bơta đơng lam geh cồng nha, nền nòn tàm atbồ dà lơgar, mờ kung gàr kơ̆ broă sền gàr dà lơgar – lơngăp lơngai.

Ồng Hồ Quốc Dũng - Ƀí thư Tỉñ ủy càr Gia Lai pà git: Tềng đap bơta geh ngan hơ̆, càr crơng gơs anih sồ 2 tàm Pleiku, mờ sồr dùl Phó Ƀí thư Tỉñ uỷ càr, dùl Phó Củ tịc Anih duh broă làng bol càr đơng lam tơm, sồr lơh tơn nàng kờñ dong mpồl lơh broă sră pơ àr gơnoar atbồ lơh broă niam, geh cồng nha.