Tàm dơ̆ wă, Tổng Ƀí thư ồng Tô Lâm đơs nền dơ̆ lòt còp geh gơtha kuơmàng ngan, tă pơgồp uă ngan tàm broă lơh niam rlau tai bơta git gơp lơh broă bal jŏ jòng tơl làm đah Việt Nam mờ Ñờk. 

Tổng Ƀí thư ồng Tô Lâm đơs nền, Việt Nam pơn đơl pràn lam lơh dơ̆ tam gơl pa tàm gah tam gơl wơl rài lơh broă sră pơ àr gơnoar atbồ, lam lơh ală kơnòl broă, broă lơh tàm “4 broă tờm” mờ bơta lơh ngan lơh gơlik bơta tam gơl pràn bơtàu tơnguh jak chài, măi mok, tam gơl pa, bơceh lơh, tơrmù mpồl cau lơh broă sră pơ àr gơnoar atbồ bơh jơh gùt anih lơh broă cíñ trị dê, tă bơsong ală bơta gơ kòl nàng lơh gơlik ù tiah bơtàu tơnguh pa, sền tiah lơh sa nă să is là bơta gơn kơnòm kuơmàng bơh rài lơh sa dê, jơh nùs mut gơ rờm bal ală lơgar làm uă, geh cồng nha, lơh gơlik bơta ƀuơn ngan rlau jơh ai làng bol mờ mpồl lơh sa kă bro tàm lơgar mờ bơdìh lơgar in. Tổng Ƀí thư sồr 2 gah sơlơ tơnguh tai tàm pơgồp bal, tam pà bal jơnau đơs, tàm dong kờl bal mờ gơp tàm ală anih cribơyai ală lơgar mờ kơnhoàl ù tiah, ngan là tàm tŭ tơngai ală bơta tàm dunia, tàm ală lơgar rềp bal geh uă bơta gơlik geh pa.