Ling tiah 5 rơcăng lài lơh jăt Broă lơh Quang Trung
Thứ sáu, 07:58, 12/12/2025
Cau mblàng Lơ Mu K' Yến/VOV
Cau mblàng Lơ Mu K' Yến/VOV
VOV.K'Ho- Lơh jăt Broă lơh Quang Trung mờ nùs nhơm sơrbăc mhar ngan, rlau dùl poh do, ală mpồl lơh broă gơ wèt Ling tiah 5 mờ Ƀộ Ling klàng neh mờ gam sơrbăc mhar lơh sir ală broă bơ̆t bơtàu, lơh niam wơl hìu ơm dong làng bol tiah mìu càl rbŭt dờng dà tih dà lìu jăt di tơngai pơrgon sồr lơh.
Tàm tŭ tơngai jal mhar, ală mpồl lơh broă hòi tơrgùm rlau 230 mpồl cau chài lơh hìu mờ mờr 6 rbô nă kwang bàng, cau ling tus bal dong ngai lơh wơl hìu ơm tàm ală càr, ƀòn dờng bơh Đà Nẵng tus Khánh Hoà.
Bulah trồ tiah ờ ƀươn, ală mpồl lơh broă pơgồp bal niam mờ gơnoar ătbồ ƀòn lơgar rơcăng tam gơl rơndăp tăp sèng bơ̆t bơtàu jăt jơnau sồr tơl hìu làng bol dê, yờ bơnàng hìu, yờ kơlik, pờ ơnàng bơnàng hìu. Uă mpồl lơh broă ai cau lơh broă pe dơ̆ puar dar, ală mpồl cau lơh hìu lơh jơh ngai mờ tàm gơ jàr lơh mang nàng lơh mhar tơngai pơrgon lơh hìu dong làng bol mờ jơnau kờñ lơh sir lài mờ sa tềp bơhiàn dà lơgar.
Viết bình luận