Tŭ do, càr Lâm Đồng geh 34 tiah rơndap ù tiah bauxite mờ kờp jơh bă ù rlau 240 rbô lồ, geh mờr 10% bă ù geh is; bal mờ 17 tiah ndai rơndap ù tiah titan rlau 15 rbô lồ. Khà rơndap ù tiah dờng ngan, ngan là gơ wèt mờ bauxite neh lơh git nđờ jơt rbô lồ ù lơh sa mờ ù ơm bơh làng bol dê gơ ơm tàm tiah gơ tàm rơndap rơndồl. Bơh kờp sền, càr Lâm Đồng sồr tơlik bơh rơndap ù tiah 55 rbô lồ, geh uă ƀòn làng bol ơm kis kơl jap sùm, ală gơl gùng kuơmàng mờ ală bă tiah ờ geh quặng jat broă lòt sền pa. Broă tam gơl do là pal geh, ờ mìng gàr gơnoar kuơ làng bol dê, mờ gam ờ lơh gơ rềng tus jơnau kờñ gơ hòi gơ jà bơcri priă ală rơndap broă lơh tơnhàu phan kuơ tàm ù.