Tus tŭ do, Anih duh broă tĕ khà càr Dăk Lăk neh ai lơh jat Kơrnoat boh lam lơh broă; Broă rơndăp lơh lam lơh broă lơh tĕ khà; Jơnau lơh nền tơnggơs ală mpồl dềt; Mpồl dềt phan bơna, Mpồl dềt Yal tơngĭt jơnau mờ Mblàng yal jơnau, Mpồl dềt Lơngăp lơngai, rơndăp tăp sèng mờ Lơh sơnơm, Mpồl dềt bơsong jơnau lùp, jơnau yal yă, Mpồl dong broă, Mpồl lơh broă rcang sơndră mhar, tơlik mat pang Yal tơngĭt điện tử bơh Anih duh broă tĕ khà càr dê.

Mpồl Sồr lơh Broă lơh tĕ khà càr Dăk Lăk neh bơyai lơh pơrjum lam lơh broă lơh tĕ khà jat broă lơh tìp mat tơn tàm Anih lơh broă Tỉñ ủy càr mờ pờ tơlik tơn tàm internet tàm tiah tơrbŏ bal 102 sàh, sơnah ƀòn mờ rlau 10 rơbô nă cau ala mat tus bal. Mpồl duh broă Làng bol càr bơyai lơh bơto pơlam lam lơh broă lơh tĕ khà ai 48 sàh, sơnah ƀòn tiah đah mat mat tơngai lik càr Dăk Lăk dê mờ pơgăp 400 nă cau ala mat tus bal. Anih duh broă Mặt trận Dà lơgar Việt Nam càr rcang ală tơngume mờ neh bơyai lơh pơrjum bơyai dơ̆ 1 tàm ngai 8/12 pa do.

100% ală sàh, sơnah ƀòn neh lam lơh di tŭ ală tơngume geh gơrềng tus broă lơh tĕ khà jat jơnau sồr; lơh sir jơnau kờp dŭ lài bè rơndap tăp sèng, bơnah cau mờ tam pà khà cau geh yal tơngĭt tơlik mat tĕ khà cau ala mat Mpồl duh broă Làng bol kấp sàh mờ neh bơyai lơh Pơrjum cribơyai dơ̆ 1.