Pơrjum dơ̆ 10, neh cil tềl lời wơl is ồn mờ mpồl ală adat, jơnau lơh nền tàm pơrjum geh ring bal dờng ngan rlau jơh bơh lài tus tŭ do. Broă lơh lơh adat boh lam bơh pơrjum dơ̆ 10 dê neh lơh ngan ngồn Jơnau lơh nền tàm pơrjum sồ 66 bơh Ƀộ Cíñ trị dê mờ jơnau sồr jơh nam 2025 sền bal là tă bơsong bơta gơ kòl bè kơrnoăt boh lam, nam 2027 kơrnoat boh lam gàr niam bơta mut lơh niam ngan broă lơh gơnoar atbồ ƀòn lơgar 2 kấp, nam 2028 lơh sir ală adat boh lam bè bơcri priă, kă bro, pơgồp bơnah ai tiah bơcri priă bơh lơgar Việt Nam dê gơ ơm tàm mpồl 3 lơgar lam lài Asean.

Bè jơnau kờñ gơguh lơh sa 2 nơm sồ bơh nam 2026 tơngŏ bơta kơ̆p kờñ tam gơl pràn uă ngan, nùs nhơm jơh nùs uă bơh jơh bal ală anih lơh broă cíñ trị tàm tơngai bơtàu tơnguh pa bơh Dà lơgar dê. Broă lơh lài ngan là pơn jat tai ai lơh lài ai sơlơ tơnguh tai gơguh lơh sa pơgồp bal mờ gàr kơnhăp kơ̆ kơl jăp lơh sa dờng, lơh geh bơta tam gơl pràn ngan ngồn bè kơrnoat boh lam mờ lơh geh geh tiah bơcri priă lơh sa kă bro ƀuơn, lơngăp lơngai mờ niam. Cíñ phủ kờñ pal lơh mhar tŭ tơngai ai lơh jat ală sră nggal bơto pơlam mờ lam lơh jat geh cồng nha ring bal geh bơta niam ală adat mờ Jơnau lơh nền tàm pơrjum geh Quôk hội dê ring bal, gàr niam ală broă lơh broă dong kờl pa rơ̆p mhar gơ lòt mut tàm rài kis.