Lơh broă mờ Sờh Bơto bơtê mờ Bơsram, ồng Tạ Anh Tuấn, Củ tịc Anih duh broă làng bol càr Dăk Lăk sồr gah broă do pal rơcang lơh “Rơndăp broă bơtàu tơnguh broă bơto càr Dăk Lăk tơngai bơh nam 2025 tus 2030”, tàm hơ̆ sền wơl jơh ală broă gam geh ngui, sơrbì broă lơh gời, wèt tus cồng nha mùl màl.

Tàm tŭ ală cồng nha bè kơnòm bơsram jăk, bơto bơtơl neh geh uă cồng nha, den bơta niam broă bơto uă kung gam là broă pal tam gơl bơh gah Bơto bơtê mờ bơsram càr Dăk Lăk dê. Điểm bè ờs pơrlòng jơh bơsram kấp 3 ală nam do càr dê sùm tàm mpồl tơnơ̆ gùt lơgar. 2 dơ̆ rơwah mŭt bơsram ơdŭ 10 pa do, khà điểm bè ờs 3 môn pơrlòng mŭt ơdŭ 10 tàm tiah đah măt tơngai mŭt geh ờ uă ngan. Bal mờ hơ̆ là bơta ờ tơl cau pơgru, ờ tơl phan bơto bơsram, uă jơdŭ bơsram ing, ờ ndrờm bal đah tiah ƀuơn mờ tiah kal ke. Ồng Tạ Anh Tuấn đơs là, ală broă do pal gờñ geh bơsong nàng tơnguh uă bơta niam broă bơto bơtê mờ bơsram bal gùt càr dê.