Bàr rơndăp broă lơh rơ̆p mŭt lơh tàm ngai 19 nhai 12 tus mờ kờp dŭ geh lơh gơs tàm nam 2030 di tờm 100 nam crơng gơs Đảng.

Cri bơyai bè bàr rơndăp broă lơh dờng bơh Càr lơgar dê, jơnau đơs bơh ală cau ala măt Mpồl duh broă Làng bol ƀòn dờng tơlik nùs nhơm ring bal uă nàng ală rơndăp broă lơh, lơh gơs bơta pràn, ù tiah ai Càr lơgar in bơtàu tơnguh tàm ală nam tus, tàm hơ̆ uă ngan là pơgồp bal tàm broă lơh jăt jơnau kờñ gơguh lơh sa 2 sồ bơh nam 2026 mờ ală nam pơn jăt tai. Bè rơndăp broă lơh Bơta tờm gùng dờng niam jăt gah dà dờng Hồng, jăt cau ala măt Trịnh Xuân Quang đơs, do là rơndăp broă lơh geh kwơ màng jŏ jòng ngan, pơgồp bal tàm broă lơh pràn bơtàu tơnguh mhar bè lơh sa mpồl bơtiàn, bơtàu tơnguh bơta niam tiah drà Càr lơgar dê, mờ ală jơnau kơ̆p gơn dờng.