Thủ tướng sồr Mpồl Atbồ rơndăp broă lơh ƀlàng rơndeh par ală lơgar Long Thành hòi jà uă gah lơh broă “lơh sùm” lơh ngan kung bè mang tàm tiah lơh broă, ai geh nùs nhơm chờ hờp, pràn kơl dang; pơn jăt tai pơs wàs kloh niam tiah kis, cò pơnring mờ tam ñhơ̆t tàm ală tiah tàm gùl, đah măt tơngai lik mờ đah măt tơngai mŭt ƀlàng rơndeh par.

Thủ tướng sồr Ling Tiah 7, Ƀộ Ling klàng ai tai cau lơh broă tus, ală mpồl ling bal mờ Mpồl Atbồ rơndăp broă lơh Ƀlàng rơndeh par ală lơgar Long Thành pơs wàs kloh niam, pơn jăt tai lơh ngan nàng tơl niam wă dơ̆ par sơnrờp ngan tàm ngai 19 nhai 12 tus do. Thủ tướng pin dờn là, ală cau gơrềng bal rơ̆p lơh ngan, lơh pràn, lơh ngan rơlao tai nàng jal mhar lơh gơs, ai ngui rơndăp broă lơh ƀlàng rơndeh par Long Thành geh bơta pràn ală lơgar dê mờ phan bơna tơrbŏ bal geh lơh sùm, bơtàu tơnguh lơh sa gùng rơndeh par, bơta niam gùng rơndeh par jăt mờ jơnau sồr bơh Tổng Ƀí thư ồng Tô Lâm dê.