Tàm dơ̆ lơh broă, ala mat đơng lam bồ Kông Ty pơgồp bal Lơh gơlik mờ Kă bro VinFast neh yal mờ mpồl lơh broă mờ Phó Thủ tướng Duh broă sùm Cíñ phủ ồng Nguyễn Hoà Bình in ală cồng nha lơh geh bơh nam 2025.

Priă lơh geh tus jơh nhai 11, kông ty tăc geh 147 rơbô 450 nơm rơndeh ôtô đèng, lơh tềl dơ̆ sơn rờp mat kă bro phan do sơrlèt gan khà 100 rơbô nơm rơndeh ôtô đèng tăc tàm 3 qúy bồ nam. VinFast kung gam jơh nùs lơh ngan tơnguh khà lơh gơlik is tàm lơgar gơguh rlau 80% tàm nam 2026 mờ  rề ơnàng pràn kơldăng drà kă bro gùt plai ù bal mờ ală hìu măi mờr sơnđờm mut lơh broă tàm lơgar Ấn Độ mờ Indonesia. Phó Thủ tướng đơs sùm, Cíñ phủ rơ̆p lòt bal, ai tơl bơta ƀuơn, đềt mềr ngan rlau jơh nàng ală mpồl lơh sa kă bro măi mok pa bè VinFast mờ Hateco tam gơl pràn.