Tổng Ƀí thư sồr tơnkah, nàng sră nggal lơh geh cồng nha uă, mùl màl là sơnpòl ồs lam gùng tàm jơh gùt mpồl lơh broă cíñ trị dê, den ală mpồl dềt pơn jăt tai sền wơl, bơtơl, tơrgùm lơh gơs.

Rơcang lài, bañ kơ̆p jơnau đơs bơh ală kấp mờ pal lơh sùm tus tàm tŭ sră nggal Pơrjum dờng dơ̆ 14 Đảng dê geh ring bal. Mờ rơcang nền nòn ală cau lơh broă, phan lơh broă, priă nàng ndrờm bal, kơlôi sơnơng mờ ai broă lơi lơh lài, broă lơi lơh tơnơ̆. Mờ pal kơlôi tus mờ bơta di pal, geh cồng nha, kơl jăp, pleh mờ bơta bồ tơngoh jăt tơngai lơh broă. Tổng Ƀí thư ồng Tô Lâm đơs tờm, ală mpồl dềt tơrgùm bơta ngăc ngar uă ngan nàng lơh gơs broă geh jào nàng ai geh bơta niam ngan nàng gơnoar atbồ 2 kấp tàm ală càr, ƀòn dờng mờ ală anih lơh broă pơn jăt tai lơh broă niam sùm geh cồng nha.