Là tiah tờm sră pơ àr gơnoar atbồ - lơh sa – lòt nhơl bơh jơh gùt tiah đah mat tơngai lik càr Dăk Lăk dê, Tuy Hòa ờ mìng cèng bơta kơp kơnờm bè dùl tiah drà ngac ngar lơh lài, mờ gam là tiah tơrlòng pràn jak lam lơh, đơng pơlam mờ tàm tơrbŏ bal tàm tŭ tơngai gơnoar atbồ 2 kâp dơ̆ sơn rờp lơh broă ndrờm bal. 

Pơrjum dờng Đảng ƀộ sơnah ƀòn tơngai lơh broă bơh nam 2025 tus nam 2030 đal git rơp bơt bơtàu sơnah ƀòn gơ gơs là tiah drà lòt nhơl ngac ngar lơh lài, tiah tờm đơng lam pơgồp bal lơh sa – lòt nhơl – tam gơl sồ tiah đah mat tơngai lik càr Dăk Lăk, priă lơh geh kờp bal dùl nă cau geh 145 tơlak đong tàm nam 2030. Pơrjum dờng kung ai tơlik 12 mpồl kơnòl broă mờ broă lơh tờm. Đơs sồr lơh tàm pơrjum dờng, mò Cao Thị Hòa An, Phó Ƀí thư Duh broă sùm Tỉñ ủy càr sồr sơnah ƀòn Tuy Hòa pal lam lài tàm jơh bal broă lơh gơnoar atbồ 2 kâp bal mờ bồ tơngoh kơlôi sơnơng bơtàu tơnguh tiah drà ngac ngar.