Tàm dơ̆ cribơyai kấp dờng, Củ tịc lơgar ồng Lương Cường đơs nền bơta gĭt gơ̆p oh mi, gơ̆p bơyô rềp mềr Việt Nam mờ Angola là jơ tài bal kwơ ngan, là bơnàng jă kơ̆ kơl jăp nàng 2 lơgar in pờ geh tơngai bơtàu tơnguh pa, pơn jat tai sơlơ tơnguh mờ lơh jrô ơnàng làm uă rlau tai bơta gĭt gơ̆p pin dờn cíñ trị, kờñ bal mờ gơ̆p đah 2 Đảng, 2 Dà lơgar, bơta tam klăc bal, đềr mềr mờ gĭt wă bal mờ gơ̆p đah làng bol 2 lơgar dê.

Củ tịc lơgar ồng Lương Cường sồr 2 gah sơlơ tơnguh tai lơh broă bal tàm ală gah tờm bè sền gàr Dà lơgar, lơngăp lơngai, lơh jat niam mờ lơh li la uă broă lơh lơh broă bal tàm ală gah ờs mờng bè lơh broă bal bè cau gĭt wă jrô broă lơh gah lơh sơnơm, bơto bơtê, lơh broă sa suơn sre.  Bàr nă kwang đơng lam bồ ring bal pơn jat tai lơh kơ̆ kơl jăp bơta tam klăc bal, rềp mềr, pin dờn đah 2 Đảng, 2 Dà lơgar ring bal gàr niam cribơyai ală dơ̆ lòt còp mờ tìp mat kwang bàng kấp dờng, tàm jơh ală gah, lam lơh geh cồng nha broă lơh lơh broă bal Anih duh broă ală Cíñ phủ mờ sơlơ tơnguh tai lơh broă bal tàm ală gah bè bơto bơtê mpồl lơh broă, kwang bàng atbồ, tàm pơ gơl cau bơsram dờng.