Anih duh broă Làng bol càr Dăk Lăk pa geh dơ̆ lơh broă mờ Sờh Lơh kơnòl broă tàm dơlam is càr. Đơs tàm dơ̆ lơh broă, ồng Đào Mỹ, Phó Củ tịc Anih duh broă Làng bol càr Dăk Lăk đơs niam broă lơh ngan lơh jăt kơnòl bơh gah Lơh jăt kơnòl broă tàm dơlam is dê tàm tơngai do.

Ai gŏ, broă tơrlòng lơh broă kấp sàh pa ngan, uă kwang bàng, kông cứk gam ờ hềt gơdờp, den tàng gah Lơh jăt kơnòl broă tàm dơlam is pal sền gròi nền nòn broă lơh tàm 102 sàh, sơnah ƀòn, di tŭ yal Anih duh broă Làng bol càr in ală kal ke, gơkòl. Lơh jăt di broă geh ai lơh tàm anih lơh broă, bơ̆t bơtàu mpồl lơh broă; tam pà kấp, tam pà gơnoar atbồ gah broă; ai kwang bàng Sờh, gah lơh broă dong kờl kấp sàh nàng bơsong mhar ală broă ai làng bol in. Ồng Đào Mỹ đơs nền, gah Lơh kơnòl broă tàm dơlam is pal kah broă prăp gàr, sền wơl bơta kal ke nàng dan geh gùng dà broă lơh, lơh rơndăp broă bal bơto sồr ală sờh, gah lơh broă, sàh, sơnah ƀòn nàng geh gùng dà broă bơsong.