Thủ tướng sồr ală ƀộ, gah lơh broă, ală càr, ƀòn dờng tơnguh nùs nhơm “jơnau sồr bơh plai nùs”, lơh ngan lơh gơs kơnòl lơh pa, lơh niam wơl hìu ơm, ai tiah lơh ƀòn ơm kis pa jơh ală hìu làng bol geh hìu gơtìp tơrlah, dà cò pơrdô in lài mờ ngai 31 nhai 1 nam 2026.

Đơs pơn đut pơrjum, Thủ tướng jờng rơ ală broă lơh ngan bơh ală kấp, gah lơh broă, ală càr, ƀòn dờng tàm 11 nhai bồ nam do, ai tơngŏ ală cồng nha kwơ màng neh lơh geh tàm jơh ală gah broă. Cíñ phủ tam pà kal ke mờ ală càr, ƀòn dờng gơtìp aniai bơh mìu càl dờng, dà tih dà cò, dờp broă lơh dong kờl tam klăc bal bơh gùt mpồl bơtiàn dê mờ lam lơh “Broă lơh Quang Trung” hòi jà jơh bơta pràn tơrgùm bal nàng bơsong jơnau gơlời wơl bơh trồ tiah lơh aniai, gàr niam ală làng bol geh hìu ơn, wă rò Satềp Bính Ngọ nam 2026 lơngăp lơngai, hờm ram.