Phó Củ tịc lơgar mò Võ Thị Ánh Xuân tìp mat cribơyai broă mờ Phó Củ tịc Quôk hội lơgar Đức
Thứ sáu, 06:00, 04/07/2025 Cau mblàng: K'Duẩn/ VOV Cau mblàng: K'Duẩn/ VOV
VOV4.K'Ho - Tàm dơ̆ lòt lơh broă tus bal Pơrjum kwang bàng kâp dờng cau ùr gùt plai ù tàm Berlin, Phó Củ tịc lơgar mò Võ Thị Ánh Xuân neh geh dơ̆ tìp mat cribơyai broă mờ Phó Củ tịc Quôk hội Đức ồng Bodo Ramelow tàm hìu lơh broă Quôk hội lơgar Đức.

Tàm dơ̆ tìp mat cribơyai broă, Phó Củ tịc lơgar sồr 2 gah pơn jat tai chồl pràn cribơyai mpồl kwang bàng ală kâp, tàm jơh ală gah Đảng, Dà lơgar, Cíñ phủ mờ Quôk hội, lam lơh jat geh cồng nha ală gùng dà lơh broă bal gam geh tŭ do mờ sơlơ tơnguh tai pơgồp bal tàm ală anih ală lơgar bè Liên hợp quôk mờ mpồl ASEAN – Mpồl tam klac câu Âu. Phó Củ tịc lơgar sồr Quôk hội Đức pơn jat tai chồl tơnguh bơta git gơp đah Việt Nam mờ mpồl tam klac câu Âu; sền sơ wì, mhar ring bal Jơnau kĭ hơ sền gàr dong kờl bơcri priă đah Việt Nam mờ Mpồl tam klac câu Âu nàng lơh gơlik bơta gơn kơnờm pa ai lơh broă bal kă bro – bơcri priă đah 2 lơgar in; mờ kung sồr Anih duh broă câu Âu mhar sang tĕ jơnau kơryan IUU gơ wèt mờ phan dà lềng tac hờ lơgar ndai bơh lơgar Việt Nam dê. Bàr gah kung ring bal sơlơ tơnguh tai lơh broă bal tàm gah sền gàr dà lơgar, lơngăp lơngai mờ tàm ală anih uă lơgar nàng kờñ gàr sùm ring lơngai, kơ̆ kơljap mờ bơtàu tơnguh kơ̆ kơljap tàm dunia.

Cau mblàng: K'Duẩn/ VOV

Viết bình luận

TIN CÙNG CHUYÊN MỤC