Kờp jơh phan bơna tàm ù tiah (GRDP) bơh càr dê lơh geh khà gơguh 7,49%. Do là khà sồ pal pơn jờng ngan, pal geh tŭ tơngai nàng bè ờs wơl mpồl lơh broă mờ broă lơh atbồ. Kờp jơh priă rề dia Dà lơgar lơh geh 13 rơbô 656 tơmàn đong, gơguh 37,3% pơndrờm dùl tŭ bal mờ nam lài, tàm hơ̆ mìng is càr Bình Định (yau) tă pơgồp pơgăp 10 rơbô tơmàn đong. Priă lơh geh bơh tăc phan mờ lơgar ndai jơh gùt càr dê lơh geh 1 tơmàn 686 tơlak dolar Mỹ, gơguh rlau 21%.

Củ tịc Anih duh broă Làng bol càr Gia Lai ồng Phạm Anh Tuấn sồr tơrgùm lơh pràn tŭ tơngai tam gơl sồ ală anih lơh broă atbồ, gàr niam ală broă jàu lơh sa- mpồl bơtiàn geh lam lơh geh cồng nha bơh kấp càr tus ƀòn lơgar. Đơng lam bồ ală sàh, gah broă pal kong kơnòl tơn bè cồng nha tơl gah broă dê, mơkung bơto pơlam ngan ngồn broă lam lơh kơnòl broă ai ƀòn lơgar in, lơh geh jơnau sồr bơtàu tơnguh lơh sa- mpồl bơtiàn mờ drơng broă làng bol.