Tơnơ̆ dùl poh lam lơh  broă lơh gơnoar atbồ ƀòn lơgar 2 kấp tàm sàh, sơnah ƀòn, càr Gia Lai neh cih dờp ală tềl tơngŏ niam ngan. Bơta niam nùs bơh làng bol dê geh tơngŏ loh làng tŭ cồng nha drơng broă bơh ală anih lơh broă sră pơ àr gơnoar atbồ Dà lơgar geh tơnguh.

Jat mò Nguyễn Thị Minh Nguyệt – Phó Củ tịc Anih duh broă Làng bol sơnah ƀòn, Kwang atbồ Anih tờm drơng broă drơng sră pơ àr gơnoar atbồ Dà lơgar sơnah ƀòn Quy Nhơn, pà gĭt, broă dờp mờ bơsong sră pơ àr tàm poh sơn rờp geh lam lơh niam ngan, ờ geh bơta gơ kòl halà lơyài lơi ờ. Tơnơ̆ 1 poh mut lơh broă gơnoar atbồ ƀòn lơgar 2 kấp, jơh gùt càr Gia Lai neh dờp rlau 11 rơbô 500 sră nggal, tàm hơ̆ rlau 6 rơbô sră nggal gơwèt kấp sàh. Rlau 4 rơbô 500 sră nggal tàm khà do neh geh bơsong. Broă lơh gơnoar atbồ ƀòn lơgar 2 kấp bơh sơn rờp pà gŏ cồng nha loh làng làng tàm broă tam gơl niam sră pơ àr gơnoar atbồ, pơgồp bơnah bơt bơtàu gơnoar atbồ drơng broă tài làng bol.