Đơs sùm, do là dar pơrjum sơn rờp, nàng pơlam gùng dà tơl làm, tàm jơh tŭ tơngai lơh broă ai broă lơh bơyai lơh dơ̆ tĕ khà, tàm tơngai tus, Củ tịc Quôk hội ồng Trần Thanh Mẫn sồr, tơl broă lơh bơh Mpồl duh broă dê ndrờm pal wèt tus bơta gàr niam ngan ală jơnau pal jat làng bol lơh tờm, duh rơngòt kơrnoat boh lam, yal loh làng, song dơ pă mờ lơh jat adat boh lam tàm broă lơh tĕ khà; rcang tơl làm mpồl lơh broă, phan bơna, priă jền mờ broă lơh pơgồp bal geh cồng nha đah anih lơh broă geh gơrềng. Củ tịc Quôk hội đơs là, broă lơh tĕ khà geh lơh làm gùt lơgar, mpồl broă lơh dờng ngan, tàm tơngai lơyah, den tàng pal geh rcang lài niam ngan bè tơl bơta.

Củ tịc Quôk hội ồng Trần Thanh Mẫn ring bal mờ ală jơnau đơs bơh cau tàm mpồl duh broă tĕ khà Dà lơgar dê pal sơlơ tơnguh tai ngui măi mok yal tơngĭt jơnau tàm jơh ală broă lơh bơh broă lơh tĕ khà dê, ngan là ngui VNeID; sền gròi tam gơl sồ nàng lơh niam ngan bơh Dà lơgar tus 34 càr, ƀòn dờng mờ 3 rơbô 321 mpồl lơh broă sră pơ àr gơnoar atbồ kấp sàh.