Ngai òr (19/08), tàm Hìu lơh broă Củ tịc, Củ tịc lơgar ồng Lương Cường mờ Pơ ùr neh đơng lam dơ̆ wă rò ngan ngồn Bơtau lơgar Bhutan ồng Jigme Khesar Namgyel Wangchuck mờ Pơ ùr còp kâp dà lơgar tus lơgar Việt Nam. Tơnơ̆ dơ̆ wă rò, bàr gah neh lam lơh pơrjum bơyai. 

Củ tịc lơgar ồng Lương Cường mờ Bơtau lơgar Bhutan bal mờ gơp ring bal đơs là, bơta git gơp lơh bơyô đah Việt Nam mờ lơgar Bhutan geh bơt bơtàu tài nùs nhơm lơh bơyô ram mhŭ, bơta ndrờm bal tàm ală bơta kuơ nùs nhơm mờ broă rơndap lơh, bơta kơlôi sơnơng bơtàu tơnguh kơ̆ kơljap. Bơh nùs nhơm hơ̆, bàr gah ring bal ngai sơlơ lơh kơ̆ bơta git gơp lơh bơyô mờ git wă bal mờ gơp, lam lơh ală dơ̆ lòt còp ală kâp sùm rlau, sồr kĭ ală jơnau ring bal lơh broă bal nàng kờñ lơh gơlik bơta ƀuơn lam lơh ală rơndap broă, broă lơh ngan ngồn. Củ tịc lơgar ồng Lương Cường jờng rơ lơgar Bhutan rề ơnàng bơta git gơp, lơh broă bal ngan ngồn mờ rơcang lơh gơlik bơta niam nàng sơlơ tàm tơrbŏ bal mờ ală lơgar ASEAN. Tơnơ̆ dơ̆ pơrjum bơyai, ală kwang đơng lam bồ neh sền dơ̆ kĭ sră nggal lơh broă bal đah 2 Cíñ phủ mờ sră nggal lơh broă bal ală gah gùng rơndeh par 2 lơgar.