Ngai  òr (19/08), Mpồl atbồ Tiah Lơh sa mờ Tiah lơh sa mờ măi mok càr Khánh Hòa pơgồp bal mờ Mpồl lơh broă bơh Tập đoàn ExxonMobil, lơgar Mỹ lòt sền ù tiah ngan ngồn tàm tiah tiah đah jum Vân Phong. Mpồl lơh broă neh lòt sền tàm ală anih geh bơta pràn, tiah geh ù tiah ơnàng, dà lềng jrô, bơta phan bơna ƀuơn ƀuài. Jat jơnau sồr, rơndap broă lơh bơh ExxonMobil dê geh kờp jơh priă bơcri lơh kờp dŭ mờr 10 tơmàn dolar Mỹ, geh ală bơnah broă: hìu măi jồr gơ gơs zờu pa ngan, anih prap ơn, anih ơhò ơm ờs mờng mờ tiah bơta chài măi mok dong kờl.

Do rơp là hìu măi lơh dà sơnơm ndrờm bè ờ tuh tơlik ƀơ̆ sơn rờp tàm gùt plai ù bơh tập đoàn dê, dilah geh lơh tàm lơgar Việt Nam. Jat ală cau geh jơnau git wă jrô pà git, tiah đah jum Vân Phong, càr Khánh Hòa geh đơs là tiah di pal ờ huan geh ngan gơtùi lơh ală mpồl lơh mờ măi mok jồr gơs zờu dờng ngan kơnờm ù tiah kuơmàng tàm gùl ală gùng dà lềng ală lơgar, bơta geh is ndơp càl, khà jrô dipal gùt nam mờ ù rềp bal ƀuơn ngan ai broă rề ơnàng jat tơl tŭ tơngai in. Tiah do kung neh rơcang lài ală gùng tàm tơrbrŏ mờ gùng ù gờl, gùng rơndeh ồs, lơh jat jơnau kờñ jun pơndiang khà dờng ñiên liệu mờ phan bơna dờng ngan, kơn jơ̆ ngan.