Tơngkah 80 nam kac màng nhai 8 pha lin mờ Sơntờm lơgar Kộng hòa sàh hội củ nghĩa Việt Nam, drim ngai 19/8, tàm Hà Nội geh bơyai lơh dơ̆ jàu hìu Bắc Bộ Phủ gơ wèt rơndap broă lơh lơh niam wơl, lơh pa Hìu lơh broă anih lơh broă Củ tịc lơgar. 

Hìu Bắc Bộ Phủ ơm tàm sồ 2 gùng Lê Thạch, Hoàn Kiếm, Hà Nội là anih kah yau kuơmàng bơh Hà Nội, bơh dà lơgar dê, tiah Củ tịc Hồ Chí Minh neh lơh broă ală ngai sơn rờp bơh lơgar Việt Nam làng bol lơh tờm kộng hòa dê. Hìu geh prap gàr uă ngan rlau jơh bơta kuơ bè ờs bơh chờm, gàr bè ờs rùp hin bơceh lơh hìu đam mờ ală bơta bơh sơn rờp mờ lơh niam wơl phan tàm hìu, bơdìh hìu, drơng jơnau kờñ pa, di pal mờ gơnoar broă dà lơgar. Bắc Bộ Phủ rơp pơn jat tai yal wơl jơnau kah yau ai rơnàng tơnơ̆ do in, mờ kung geh gơnoar broă là rùp pơrya ai muh mat dà lơgar in tàm broă lơh cribơyai mờ lơgar ndai kâp dờng, ala mat ai rùp să dà lơgar, kòn bơnus Việt Nam dê in tàm muh mat gơp bơyô dunia.