Mho ngai 4/05, tàm ƀòn dờng Cần Thơ, Tổng Ƀí thư ồng Tô Lâm đơng lam dơ̆ lơh broă mờ Mpồl Lơh kơnòl broă sùm Thàñ ủy ƀòn dờng Cần Thơ mờ Duh broă sùm ală Tỉñ ủy càr Sóc Trăng mờ Hậu Giang bè bơta lam lơh jat ală Jơnau lơh nền tàm pơrjum, jơnau đơs pơndŭt bơh Dà lơgar dê; broă tơmŭt bal tơrgùm dùl mpồl lơh broă sră nggal gơnoar atbồ kấp càr mờ tơnggơs Đảng ƀộ ƀòn dờng Cần Thơ tơnơ̆ tơmŭt bal jat Jơnau lơh nền tàm pơrjum sồ 60 bơh Dà lơgar dê tàm 3 tiah.

Tổng Ƀí thư đơs nền, broă tơmŭt bal 3 tiah ƀòn dờng Cần Thơ pa rơ̆p lơh geh bơnàng jă nàng ƀuơn ngan nàng lơh jat lơh bal kơ̆ ngan bè ù tiah lơh sa, niam chài, mpồl bơtiàn, tơrmù di pal mpồl lơh broă, tơnguh uă bơta gơtùi lơh broă, lơh broă geh cồng nha atbồ Dà lơgar, lơh jat niam bơta ƀuơn bơta pràn jat broă lơh mờ pơgồp bal bơta ƀuơn bơta pràn bơh tơl tiah dê. Đơs là, nam 2025, là nam geh gơtha is ồn kwơ màng, tŭ tơngai lơh sir broă lơh tơmut bal kấp càr, mơkung là nam bơyai lơh Pơrjum dờng Đảng ală kấp lơh tus Pơrjum dờng dơ̆ 14 bơh Đảng dê, Tổng Ƀí thư is ồn tơngkah, tơrgùm lời tŭ tơngai di pal ai broă lơh rcang lài mờ bơyai lơh geh cồng nha Pơrjum dờng Đảng ƀộ ală kấp, tàm hơ̆ geh broă lơh lơh sră nggal pơrjum dờng, pal geh lơh niam ngan, di ngan mờ jak chài, jat nền tàm Jơnau sồr sồ 45 bơh Ƀộ Cíñ trị dê