Đơs sồr lơh tàm Pơrjum, Tổng Ƀí thư ồng Tô Lâm đơs sùm, tơngai do, mpồl kwang àng làng bol bơh bơta đơng lam bơh Anih duh broă Đơng lam Đảng Kwang àng Dà lơgar dê pơn jăt tai lơh jăt niam gơnoar broă lơh krơh, lòt lài tàm lơh jăt ală jơnau sồr, gùng dà Đảng dê, is ồn là lòt lài tàm lơh jăt Jơnau lơh nền tàm pơrjum sồ 18 mờ lam lơh jăt broă lơh tơrlòng lài gơnoar ătbồ ƀòn lơgar bàr kâp gơ jăt bal mờ lơh pràn jàu broă, pà kâp jơh ai kâp hơđơm in.

Bè gùng dà broă lơh, kơnòl broă lơh broă 6 nhai lồi nam 2025 mờ ală nam pơn jăt tai, ồng Tổng Ƀí thư sồr mpồl kwang àng làng bol pal tơrgùm jơh pràn lơh jăt gơtùi ală jơnau kờñ kwơmàng Đảng dê; lơh jăt bơta dong kờl, broă dong kờl gơ wèt mờ kwang bàng gơtìp gơtus, gơrềng tài rơndăp tăp sèng mpồl kwang bàng mpồl lơh broă; rơcăng sir tơl ală bơta nàng lam lơh geh cồng nha Pơrjum dờng Đảng ƀộ Kwang àng dà lơgar dơ̆ VIII, lơh bè lơi nàng Sră nggal Pơrjum dờng ngan ngồn là sơm pòl ồs sòl pơnđàng gùng ai broă lơh gàr niam lơngăp lơngai, rơndăp tăp sèng, bơ̆t bơtàu mpồl kwang àng làng bol lơh geh jơnau sồr, kơnòl broă tàm tŭ tơngai kăc màng pa, dipal mờ bơta pin dờn, kơ̆p gơn sùm mờ Đảng, Dà lơgar mờ Làng bol lời ai mpồl kwang àng làng bol in.