Tổng Ƀí thư ồng Tô Lâm đơs sùm: nàng lơh jat niam mờ tơnguh uă rlau tai cồng nha đơng lam lơh jat kơnòl broă 6 nhai lồi nam 2025, Anih duh broă Đơng lam Đảng Ling klàng Dà lơgar tơrgùm đơng lam, sồr lơh jat niam “3 tờm, 3 kràñ cê jơh nùs”, lơh niam broă lơh rcang lài mờ bơyai lơh geh cồng nha Pơrjum dờng cau ala mat Đảng ƀộ Ling klàng dơ̆ 12; tus bal mờ geh kơnòl uă ngan rlau jơh nàng drơng broă Pơrjum dờng cau ala mat gùt lơgar dơ̆ 14 bơh Đảng dê; sồr lam lơh rơndăp tăp sèng ală mpồl lơh broă ling klàng ƀòn lơgar di pal mờ mpồl lơh broă gơnoar atbồ ƀòn lơgar 2 kấp.

Mơkung đơng lam tơnguh uă bơta pràn yal tơngĭt lài, kơlôi sơnơng, gĭt loh, sền sơ wì di ală bơta, di tŭ tă pơgồp jơnau đơs mờ Đảng, Dà lơgar gùng dà broă lơh, broă lơh kwơ màng gàr niam uă ngan rlau jơh bơta kwơ Dà lơgar – jơi bơtiàn dê, sền gàr kơ̆ kơl jăp lơngăp lơngai is gơnoar tờm, ring bal, tơl làm kơnhoàl ù tiah bơh Dà lơgar dê.