Đơs pơndŭt dar pơrjum, Tổng Ƀí thư ồng Tô Lâm đơs niam ngan bơta rơcăng sir tơl bơh anih lơh broă duh broă sùm mờ jơnau đơs tă pơgồp ndrờm sền bal ring bal mờ jơnau rơcăng cih broă lơh broă bơh Mpồl sồr lơh dê bal mờ ală broă rơndăp lơh, jơnau kờñ loh làng bơh tŭ do tus lồi nam; sền ngăc gơtùi bơtơl ală kơnòl broă gơlik geh pa tàm bơta mùl màl.

Tổng Ƀí thư đơs sùm 4 nùs nhơm sồr lơh tàm broă lam lơh jăt, pal tơrgùm tàm ală broă dờng tờm kwơmàng, ai lài bơsong ală broă jal mhar, pơnđơl tus jơh nam do sền bal tă bơsong ală anih gơkòl bè adăt boh lam mờ kơrnoăt boh lam, bơh hơ̆ hòi tơrgùm geh bơta bơta pràn tàm ală tŭ bơtàu tơngguh dà lơgar. Tổng Ƀí thư ồng Tô Lâm sồr, pơn jăt tai lơh sir ală sră nggal tơngume kơrnoăt boh lam, sơrbăc mhar kờp sền nền wơl ai lơh jăt ală Jơnau lơh nền cíñ phủ dê, Sră pơlam geh gơrềng nàng lam lơh jăt, is ồn pal lơh jăt kràñ cê jơh nùs pà kâp, pà gơnoar, gĭt nền loh làng gơnăp gơnoar mờ lam lơh jăt di nùs nhơm sồr lơh bơh Ƀộ Cíñ trị dê.