Tàm dơ̆ lòt Pơrjum pah nam ală lơgar lam lài dơ̆ 16 bơh Anih cribơyai lơh sa dunia (WEF) dê bơyai lơh tàm Thiên Tân mờ lơh broă tàm lơgar Lo, mho ngai 24/6, tàm Thiên Tân, lơgar Lo, Thủ tướng Cíñ phủ ồng Phạm Minh Chính neh tìp mat cribơyai broă mờ Thủ tướng lơgar Lo ồng Lý Cường. Tàm dơ̆ tìp mat cribơyai, Thủ tướng Cíñ phủ đơs nền, Việt Nam sùm sền bơtàu tơnguh bơta git gơp mờ lơgar Lo là jơnau sồr pal geh, là bơta sac rơ wah geh is, broă rơndap lơh kuơmàng mờ lam lơh lài ngan tàm broă lơh lơh broă mờ lơgar ndai; pin dờn lơgar Lo rơp pơn jat tai bơtàu tơnguh, ngui niam gơnoar broă kuơmàng tàm ală broă bơtàu tơnguh, lơngap lơngai mờ gơguh jak gùt plai ù.

Bàr Thủ tướng cribơyai uă jơnau đơs jơh nùs, song dơpă bè broă tàm dà lềng, ring bal bal mờ gơp sền gròi mờ bơsong niam rlau tai bơta ờ ring bal, gàr sùm ring lơngai, kơ̆ kơljap. Thủ tướng ồng Phạm Minh Chính sồr 2 gah lơh jat jơh nùs jơnau git wă bal kâp dờng, Jơnau ring bal bè ală jơnau pal jat kuơmàng sồr bơsong broă tàm dà lềng đah Việt Nam mờ Lo; bal mờ ASEAN pơnđơl pràn gờñ lơh geh COC gơtùi lơh jat ngan ngồn di mờ adat boh lam ală lơgar mờ UNCLOS 1982 jat jơnau ring bal bơh ală gah dê.