Ƀùi drim, Quốk hội pờ tê ring bal 8 adăt, tàm hơ̆ geh: Adăt Lùp sền (tam gơl); Adăt tam gơl, bơtơl ờ uă bơta tàm Adăt yal yă broă làng bol, Adăt Yal yă sră nggal gơnoar ătbồ, Adăt Sền gàr adăt boh lam cau ờ hềt dờng in, Adăt Ờ jai tơm dồs mờ Adăt Tơrña bơyai; Adăt tam gơl, bơtơl ờ uă bơta tàm Adăt Lơh glài kŭp màng; Adăt tam gơl, bơtơl ờ uă bơta tàm Adăt Ai lơh jăt sră nggal geh tơngume kơrnoat boh lam.

Bè broă kwang bàng, Anih duh broă lơh kơnòl broă sùm Quốk hội yal Quốk hội bè broă mblàng yal lơh loh, iăt jơnau pơgồp cau ala măt Quốk hội cri bơyai tàm mpồl, lài mờ tŭ Quốk hội lơh nền broă kwang bàng gơwèt gơnăp gơnoar bơh broă đùh sră ndơ̆p. Tơnơ̆ cribơyai tàm mpồl, Quôk hội pờ tê ring bal măt mờ bơyai lơh pồ Củ tịc Mpồl duh broă Tĕ khà dà lơgar mờ broă lơh kwang bàng ndai gơwèt gơnăp  gơnoar mờ broă đùh sră ndơ̆p. Tơnơ̆ mờ tŭ geh pồ, Củ tịc Mpồl duh broă Tĕ khà dà lơgar rơ̆p dan Quốk hội sền swì ring bal măt Phó Củ tịc mờ Kwang geh jơng tàm Mpồl duh broă Tĕ khà dà lơgar.