
Mho ngai 13/7, Thủ tướng ồng Phạm Minh Chính bal mờ mpồl cau ala mat Quôk hội ƀòn dờng Cần Thơ neh geh dơ̆ tìp mat cau tĕ khà mìng dùl tơngume mờ kwang bàng, cau pơgru, cau kơlôi sơnơng jak chài mờ cau lơh broă sa priă nhai dà lơgar gah jak chài măi mok tàm ƀòn dờng. Tàm do, Thủ tướng đơs sùm jơnau gơtha kah yau bơh pơrjum dơ̆ 9, Quôk hội khoă XV dê, tàm hơ̆, Quôk hội neh ring bal Jơnau lơh nền tàm pơrjum tam gơl Sơnua boh lam, lơh gơlik bơnàng jă adat boh lam ai broă lơh gơnoar atbồ ƀòn lơgar 2 kâp in.

Thủ tướng đơs nền broă lam lơh broă lơh do rơp pơgồp bơnah tam gơl pa bồ tơngoh kơlôi sơnơng, tam gơl bơh bơta rơmơp ndơl gơ gơs rơcang lài nàng drơng broă làng bol in, rề ơnàng ù tiah bơtàu tơnguh, lơh gơlik bơta kuơ mờ bơta gơn kơnờm pa. Thủ tướng kơp kờñ cau tĕ khà, ngan là ală cau kơlôi sơnơng jak chài pơn jat tai tă pơgồp jơnau đơs, tă pơgồp broă lơh ai dà lơgar in. Pơn jat tai tơnguh nùs nhơm lơh tờm bơh làng bol, mpồl lơh sa kă bro dê mờ nùs nhơm bơt bơtàu dà lơgar gơnoar adat boh lam bơh làng bol dê, tài làng bol, den tàng làng bol kung pal tă pơgồp tàm broă bơt bơtàu broă lơh, nàng broă lơh in geh ngui ngan ngồn tàm rài kis, cèng wơl rài kis hờm ram, gơboh gơbài.
Viết bình luận