Pơrjum nàng kờñ kờp sền tơl làm tŭ tơngai lơh jat, di tŭ tă bơsong bơta kòl yan, ngan là tàm ală gơl gùng lòt gan ù tiah càr, gàr niam tŭ tơngai bal bơh jơh gùt rơndăp broă lơh dê. Gơl gùng  rơndeh lòt mhar do jòng 125 kơi sồ, tam pà gơs 3 rơndăp broă  bơnah, ơnàng 4 bơnàng gùng rơndeh lòt, kờp jơh priă bơcri lơh kờp dŭ rlau 43 rơbô 700 tơmàn đong.

Càr Gia Lai kờp dŭ ai 7 tiah ơm kis pa ai 122 hìu bơnhă gơtìp gơrềng tơn tàm khà rlau 1 rơbô hìu bơnhă pal ntrờn tiah ơm kis. Ală tiah neh lơh sir broă rơndăp ù tiah, lơh sră pơ àr bơcri priă lơh ală tiah ơm kis pa, kơ̆p sền sơ wì, kĭ ring bal nàng sơnđờm mut lơh tàm nam tus. Kờp dŭ bơh ngai 30/07, tiah do lơh sơn tơ̆p jrong ai ù bơdìh ù tiah dê, lơh ală bơta sền gĭt ală jơnau yal tơngĭt drơng broă tơm priă, dong kờl mờ ai tiah ơm kis pa.