Tàm dơ̆ tìp mat mờ cau tĕ khà, cau tĕ khà tơngŏ bơta kơ̆p kờñ mpồl lơh broă gơnoar atbồ ƀòn lơgar 2 kấp gờñ bè ờs wơl, lơh broă geh cồng nha, lơh geh jơnau kờñ bơtàu tơnguh lơh sa- mpồl bơtiàn ƀòn lơgar. Pal sền gròi ngan là, cau tĕ khà is ồn sền gròi tus broă pà sră dờp ngui ù – dùl broă gam gơ kòl tàm uă nam ờ hềt geh bơsong tơn jơh.

Ồng Phan Đình Trạc jờng rơ uă ngan ală tă pơgồp, jơnau đơs, jơnau dan bơh cau tĕ khà dê, mơkung đơs nền rơ̆p tơrgùm wơl, jun tus ală anih lơh  broă geh gơnoar nàng bơsong. Ồng đơs sùm: gơnoar atbồ sàh pal bơto pơlam ngan ngồn nàng làng bol lơh sră pơ àr; ală bơta lơi gơwèt gơnăp gơnoar den pal bơsong mơ tàm ƀòn lơgar, ờ gŏ di lời làng bol pal guh tàm càr. Tơl bơta kòl yan pal geh kwang bàng sàh yal mờ pơgồp bal bơsong.