Pơrjum ring bal Jơnau lơh nền tàm pơrjum mờ jơnau kờñ bơtàu tơnguh Anih jơnau đơs Việt Nam gơ gơs anih sră ƀău tờm ngan, mờng chài, tam gơl pa, cèng bơta niam chài kòn bơnus; tus nam 2030 là anih pờ tơlik jơnau đơs pràn bơh tiah câu Á – Thái Bình Dương dê mờ tus nam 2045 lơh geh kâp ală lơgar.

Đơs tơn jơh pơrjum, Ƀí thư Đảng ủy, Kwang lam bồ dờng Anih jơnau đơs Việt Nam ồng Đỗ Tiến Sỹ đơs sùm gơnoar broă bơh Đảng dê tàm broă ai tơlik lài gùng dà bơtàu tơnguh Anih jơnau đơs tàm tŭ tơngai tam gơl sồ. Pơrjum dờng ai tơlik gùng dà tam gơl pa tơl làm, lơh geh rài sră ƀău li la bơta, uă gah mờ pờ tơlik jơnau đơs là tờm. Mờ kung pơn jat tai tơnguh pràn jak đơng lam bồ, bơtàu tơnguh mpồl lơh broă Đảng kơ̆ kơljap nàng lơh jat jơnau kờñ bơtàu tơnguh bơh dà lơgar mờ tŭ tơngai dê.