Thủ tướng ồng Phạm Minh Chính đơs loh, bơtàu tơnguh lơh sa làng bol dê lơh is là kơnòl broă kwơ màng ngan rlau jơh bơh rài lơh sa Dà lơgar dê. Thủ tướng đơs loh, pơrjum do nàng iăt Mpồl IV yal mìng dùl tơngume sồr đơs bè bàr pe kơnòl broă, broă lơh lơh jat Jơnau lơh nền tàm pơrjum sồ 68 geh cồng nha; lài ngan pal tă bơsong ală bơta kơryan bè kơrnoat boh lam, broă lơh, broă dong kờl, tài bơh kơrnoat boh lam là bơta pràn, là bơta gơn kơnờm ai bơtàu tơnguh in.

Thủ tướng pin dờn ală bơta tam gơl bơh tŭ Jơnau lơh nền tàm pơrjum sồ 68 geh ai lơh jat, lơh geh tam gơl bơta bơta gĭt wă, nùs nhơm bơta gơn kơnờm, priă jền ai bơtàu tơnguh in. Kơ̆p kờñ tam gơl 5 tơlak hìu bơnhă lơh sa kă bro gơ gơs mpồl lơh sa kă bro, mpồl lơh sa kă bro dềt gơ gơs mpồl lơh sa kă bro dờng, mpồl lơh sa kă bro dờng gơ gơs mpồl lơh sa kă bro dờng rlau tai, mpồl lơh sa kă bro dờng rlau tai gơ gơs mpồl lơh sa kă bro geh bơngă tàm làm gùl plai ù, uă Dà lơgar, tus bal ală bơta kwơ gùt plai ù dê. Mơkung đơs nền, broă kwơ màng ngan rlau jơh là hòi jà geh priă jền bơh làng bol, mpồl lơh sa kă bro tài bơta pràn bồ tơngoh kơlôi sơnơng mờ bơta sền sơnơng, bơta gơn kơnờm sơnđờm bơh bơta tam gơl pa mờ bơceh lơh, bơta pràn geh bơh làng bol mờ mpồl lơh sa kă bro dê.