Dơ̆ lòt còp kâp dà lơgar tus lơgar Hàn Quôk bơh Tổng Ƀí thư ồng Tô Lâm dê dơ̆ do rơp pơgồp bơnah lơh kơ̆ rlau tai bơta pin dờn cíñ trị đah 2 lơgar, mờ kung lơh tềl dùl bơta kuơmàng, lơh gơlik tap pa ai bơta git gơp đah Hàn Quôk mờ Việt Nam in. Tàm dơ̆ lòt còp kâp dà lơgar tus lơgar Hàn Quôk , mho ngai 10 nhai 8, Tổng Ƀí thư ồng Tô Lâm neh wă ồng Ahn Gyun Back, Củ tịc Mpồl Nghị sìh lơh bơyô Hàn Quôk – Việt Nam. 

Tổng Ƀí thư ồng Tô Lâm sồr 2 Mpồl Nghị sìh lơh bơyô sơlơ tơnguh tai tìp mat lơh broă bal, lơh niam gơnoar broă rbàng tơrbŏ jat Jơnau ring bal lơh broă bal đah 2 Quôk hội, pơgồp bơnah jat sền, sồr lơh, lơh gơlik bơta ƀuơn bè adat boh lam ai broă lơh jat ală jơnau ring bal, jơnau hơ pơrgon neh kĭ đah 2 lơgar in, chồl tơnguh bơta git gơp lơh broă bal Việt Nam - Hàn Quôk ngai sơlơ bơtàu tơnguh tàm jơh ală bơta, lơh geh cồng nha mờ kơ̆ kơljap; mờ kung sơlơ tơnguh tai bơta tàm pơgồp bal, tàm dong kờl bal mờ gơp tàm ală anih 2 nghị viện tàm tiah do mờ tàm dunia.