Jat tơngume lơh broă kờp dŭ lài, tàm dar pơrjum do, bè broă lơh lơh adat boh lam, Anih duh broă Lơh kơnòl broă sùm Quôk hội rơp sền sơ wì, ai jơnau đơs bè broă mblàng lơh loh, cih dờp, tam gơl: jơnau rơcang cih Adat Bơta jal mhar; Jơnau rơcang cih Adat gròng lam rê, Adat tàm jàu cau gam lơh jat kơrnuat lơh glài kup jàm, Adat tàm dong kờl sền gàr adat boh lam bè broă làng bol; Adat tàm dong kờl sền gàr adat boh lam bè hìñ sự; jơnau rơcang cih Adat tam gơl, bơ tơl bàr pe bơta bơh Adat broă lơh jat sền bơh Quôk hội mờ Mpồl duh broă làng bol dê.

Bal mờ hơ̆, Anih duh broă Lơh kơnòl broă sùm Quôk hội rơp ai jơnau đơs bè rơndap lơh Adat Lơh jat kơrnuat kup jàm ing mờ ờ ai lik bơh tiah ơm kis; rơndap lơh Adat Lơh jat kơrnuat lơh glài hìñ sự (tam gơl); rơndap lơh Adat lơh jat kơrnuat lơh glài broă làng bol (tam gơl); rơndap lơh Adat tam gơl, bơtơl bàr pe bơta bơh Adat bơto bơsram; rơndap lơh Adat Bơto bơsram Đại họk (tam gơl); rơndap lơh Adat Bơto broă lơh (tam gơl); rơndap lơh Adat rơcang lài kơryan ma tuý (tam gơl); gùng dà broă lơh, bơta dong kờl is ồn bơcri priă lơh Ƀlàng rơndeh par ală lơgar Gia Bình.