Do là nam dơ̆ 3 pơn jat sùm, Thủ tướng Cíñ phủ Việt Nam tus bal mờ đơs tàm Anih cribơyai lơh sa dunia, broă kuơmàng ngan do ai tơnggŏ bơta sền dờng màng mờ đơs niam bơh Anih cribơyai lơh sa dunia dê kung bè ală mpồl lơh sa kă bro ală lơgar dê gơ wèt mờ gơnoar broă, bơta kuơ mờ ală tă pơgồp bơh lơgar Việt Nam dê tàm gơguh lơh sa gùt plai ù mờ tiah do. 

Kờp dŭ lài tàm ală ngai ơm tàm lơgar Lo, Thủ tướng ồng Phạm Minh Chính rơp geh ală dơ̆ pơrjum bơyai, tìp mat mờ kwang đơng lam bồ kâp dờng bơh lơgar Lo mờ ală lơgar dê, tus bal Anih cribơyai mpồl lơh sa kă bro Việt Nam – Lo, wă kwang đơng lam bồ ală tập đoàn lơgar Lo, tìp mat mpồl bơtiàn mờ kơnòm bơsram lơgar Việt Nam tàm lơgar Lo.