Do là dùl tàm ală sàh sơnrờp ngan càr Dăk Lăk dê bơyai lơh pơrjum dờng tơnơ̆ mờ rơndăp tăp sèng mpồl lơh broă mờ bơ̆t bơtàu gơnoar atbồ ƀòn lơgar bàr kấp. Sàh Hoà Phú geh lơh bơh broă tơrmŭt bal pe sàh Hoà Phú, Hoà Khánh, Hoà Xuân mờ mờr 50 rơbô nă làng bol.

Tàm tơngai lơh broă pa, Đảng ƀộ sàh ai tam gơl lơh sa jăt gùng dà broă lơh sa mờ măi mok - bơ̆t bơtàu – broă lơh drơng ala; bơtàu tơnguh lơh sa suơn sre măi mok pa, tơrmù rơhời gơrềng tàm kes priă, wèt tus lơh tờm is mờ pơgồp bal  ai càr in. Tơnguh bơta pràn là mpồng đah jum càr dê, sàh Hoà Phú ai lài bơcri priă bơ̆t bơtàu phan bơna gùng lòt, anih tờm logistics, bơtàu tơnguh lơh sa mờ măi mok lơh gơs phan geh lơh bơh suơn sre mờ lòt nhơl tiah niam, lơh ngan gơs tiah drà lơh sa mờ măi mok pa tàm nam 2035.