Đơs tàm dơ̆ tìp mat, Thủ tướng ồng Phạm Minh Chính đơs nền: broă bơyai lam lơh rơndăp tăp sèng, tơrmù di pal mpồl lơh broă bơh lơgar Việt Nam dê neh geh lơh kràñ cê jơh nùs, dồ ròt bal bơh Dà lơgar tus ƀòn lơgar. Bơdìh mờ broă rơndăp tăp sèng wơl mờ rơndăp mpồl lơh broă dùl bă di pal, jak chài, Việt Nam ơn bơta tờm tàm broă lơh tơrmù cau lơh broă sa priă nhai, jòi broă lơh niam ngan rlau jơh rơndăp tăp sèng wơl mpồl mờ tơnguh uă bơta chài lơh broă bơh mpồl kwang bàng, kông cứk, viên cứk dê.

Broă rơndăp tăp sèng geh lơh dồ bă làng bol lơh tờm, nền nòn, yal loh làng, song dơ pă, geh bơta ring bal uă bơh làng bol- ală cau dờp geh tơn cồng nha bơh broă tam gơl dê. Mơya rlau ngan jơh là nùs nhơm sơr lèt is să tờm he dê- khin cha tam gơl nàng brồ guh tus dùl rài tơnơ̆ do niam bơnĕ rlau tai.