Đơs tàm dơ̆ bơyai lơh, Đại tướng ồng Lương Tam Quang, Ƀộ trưởng Ƀộ Kwang àng pà gĭt: Càr lơgar Hà Nội là tiah tờm cíñ trị- sră pơ àr gơnoar ătbồ dà lơgar dê, tiah tờm dờng bè lơh sa, niam chài, lơh broă mờ lơgar ndai bơh dà lơgar dê, geh anih ơm is ồn tàm ală broă lơh bơtàu tơngguh jơi bơtiàn dê...Tàm ală tŭ tơngai 80 nam bơ̆t bơtàu mờ bơtàu tơngguh càr lơgar bơh nhai hàm kăc màng nam 1945 tus tŭ do, Kwang àng ƀòn dờng Hà Nội neh tă pơgồp gơnoar broă is ồn kwơmàng, lơh geh uă cồng nha tàm dơ̆ tam lơh, broă lơh geh jak chài is ồn ngan tàm broă lơh sền gàr lơngăp lơngai dà lơgar, sền gàr rơndăp tăp sèng, niam lơngăp lơngai mpồl bơtiàn.

Đại tướng ồng Lương Tam Quang jờng rơ ală broă lơh geh jak chài ngan bơh Kwang àng càr lơgar dê mờ đơs sùm broă kwơmàng bơh kơnòl broă sền gàr lơngăp lơngai, rơndăp tăp sèng tàm bơta broă tàm dunia bềng bơta gơ tam gơl.