Jăt jơnau đơs bơh Mpồl Mblàng yal bơto bơtê mờ Hòi jà làng bol Tỉñ ủy càr Lâm Đồng dê, uă ngan jơnau yal cíñ trị yal pơrjum dờng ală mpồl dê neh đơs uă cồng nha lơh geh, ală bơta pràn, bơta ờ hềt wil tơl, ờ hềt dipal mờ jơnau bơh tài gơbàn. Is ồn broă rơndăp lơh, jơnau kờñ, broă jàu, kơnòl broă mờ gùng dà broă lơh, ală sră nggal yal tơl làm ngan, tơnggŏ kơnòl mờ jơh nùs lơh ngan uă ai tơngai lơh broă tus in; gĭt nền geh ală broă tam gơl pràn, broă lơh tờm kwơmàng, broă lơh bơ̆t bơtàu tờm kwơmàng.

Broă lơh bơyai lơh Pơrjum dờng geh lơh jăt niam, sir tơl, kơnòl, lơh geh nùs nhơm chờ hờp, tàm pơrlòng duh hồl, lơh geh pràn lơh gơrề uă tàm jơh gùt Đảng ƀộ sàh, sơnah ƀòn, tiah is ồn. Ală cau ala măt tus bal pơrjum dờng ndrờm tơnggŏ nùs nhơm geh kơnòl uă, jơh nùs, tam klăc, làng bol lơh tờm mờ lơh jăt di bơta pal jăt, tơngume jơnau cih, jơnau sồr.