Ồng Lê Dũng Linh – lam bồ Cơldŭ tam gơl wơl mờ Sền gròi sră nggal sră pơ àr gơnoar atbồ, Anih duh broă càr Bình Định – lam bồ mpồl lơh broă pà git: sră nggal tam ù ờ geh nhàr ù dong làng bol geh ù tàm càr gơtùi bơsong sră nggal pờ tơlik tàm internet halà tàm khat dùl anih tờm sră pơ àr gơnoar atbồ lơi tàm càr.

Tŭ 2 jơ mho do, jơh ală 10 sàh, sơnah ƀòn tàm càr Gia Lai lam lơh jơh broă rơndap lơh (lam lơh dờp sră online) sră nggal “Photo wơl mờ yal jơnau tơnggit bă ù mùl màl” bal mờ broă lơh tam pà ù ờ geh nhàr tơrbŏ tơn mờ càr Bình Định. Kwang đơng lam bồ càr bơh 2 càr dê rơp geh mat tơn tàm ală anih tơrlòng nàng jat sền bơh broă dờp, bơsong sră nggal, cồng nha lơh broă sồ, tơm priă tàm internet, yal sră nggal điện tử tàm anih.